اي الكلمات ................

الموضوع هايكون عن اي الكلمات لاتستطيع قولها ولماذا ؟؟؟

آســــــــــــــــــــــــــــــــــف/ه

أحبــــــــــــــــــــــــــــــــــك

أكرهـــــــــــــــــــــــــــــــــك

سامحنـــــــــــــــــــــــــــــي::::سامحينــــــــــــــــــــــــــــــــي:::

لا أستطيــــــــــــــــــــــــــع

لقد اخطأت::: الاعتراف بالخطأ يعني :::

انا اثــــــــــــــــــــــــــــق بك /ي

ممكن يكون في ناس ما يقدروش يقولوهم كلهم أو يقدو بس انا عايزا أعرف رأيكم ليه ممكن حد يمتنع عن قول اي كلمه من هذه الكلمات

الكلمات دي ممكن تتقال لأي حد صديق/ه زميل/ه اخ اخت .................

هو ممكن اللى فعلاً مقدرش أقولله من الكلمات دى

أكرهـــــــــك

صعب على الواحد انه يكره حد

ممكن مايحبش أوك ... لكن مش لدرجة يكره

لاننا فى الاول و الاخر إحنا إخوات ... صعب يكون فى بيننا كلمة كراهية

ممكن آه منحبش بعض السلوكيات الخطأ فى بعض

و نضايق لما نشوف حد بيعمل تصرف معين وحش

بس مش توصل لدرجة الكراهية

مهما كنا فاحنا مش يهود ولا إسرائيليين عشان نقول فى كراهية بيننا

بالنسبة للشق التانى من الموضوع

أحبك .... معتقدش ان فى حد مابيقدرش يقوللها .... لاننا عمرنا مانقدر نعيش بدون مانحب .... بس لازم نعرف بنحب ميين و امتى و هل الحب ده بيقربنا من ربنا ولا بيبعدنا عنه

أعتقد ان اللى مايقدرش يقول الكلمات الكويسة زى أنا آسف و حقك عليا و أنا غلطان و الاعتراف بالخطأ وكده

هو انسان متعودش على انه يقوللها ... و ممكن يحس انه بيقلل من قيمته لو قال حاجة منها ... مع ان لو هو قالها بيزيد فى نظر اللى قدامه

قد يفهمها البعض انه تكبر و تعالى عليهم ... فهم لا يستحقون انه يقللهم انا آسف

لكن فى الاول و فى الاخر .... لازم اللى مابيعرفش يقول الكلام ده .... لازم يمرن نفسه على الكلام ده ... حتى لو مش مخطأ .... ساعات كتير مجرد كلمة حقك عليا و الكلام ده بتهدى النفوس بشكل غير طبيعى .... ممكن الشخص ده يكون عاوز يقول و مش قادر ... ف يحاول يعمل حاجات تانية أصعب من انا آسف .... لكن برده ماتهداش النفوس و تطيب القلوب الا لما اللى قدامهم يعترف بخطأه لو مخطئ

لا استطيع .... أو معرفش ... للاسف كتير مننا بيتكسف يقوللها ... عشان كده بيضطر اللى مش بيقولها انه يفتى بالتعبير المصرى البسيط ... يعنى يقول اى حاجة ... المهم انه يكون عارف ... و للاسف ده ساعات بيكون غلط ... و خصوصاً ساعة لما تسأل واحد عن شارع أو محل .... لدرجة ان المثل ساعات اتقلب من ... اللى يسأل مايتهش ... لـــ اللى يسأل يتوه

اما الثقة ... ف ده ممكن مر بتجارب وحشة ف حياته ... خسر فيها حاجات ... و حس ان الثقة هى السبب ... و قرر من ساعتها انه مايثقش ف حد مهما كان ... و احب اقولله ... مش للدرجة دى ... هو يثق فى الناس عادى ... بس ياخد برده حذره .... و يحاول يبص للدنيا بمنظور أكثر تفاؤلاً ... بدون التخلى عن الحذر فى التعامل مع الافراد .... و مش معنى انه ياخد بحذره و هو بيتعامل انه مش بيثق فى الناس ... لكن ده أشبهه زى الدرع الواقى ... يدخل اى معركة بيه ... عشان ينقذه من أى سهام غدر من أى حد

eng_hemaa كتب:: هو ممكن اللى فعلاً مقدرش أقولله من الكلمات دى

أكرهـــــــــك

صعب على الواحد انه يكره حد

ممكن مايحبش أوك ... لكن مش لدرجة يكره

لاننا فى الاول و الاخر إحنا إخوات ... صعب يكون فى بيننا كلمة كراهية

ممكن آه منحبش بعض السلوكيات الخطأ فى بعض

و نضايق لما نشوف حد بيعمل تصرف معين وحش

بس مش توصل لدرجة الكراهية

مهما كنا فاحنا مش يهود ولا إسرائيليين عشان نقول فى كراهية بيننا

في ناس كتير بتقول الكلام ده بس انا مش متفقه معاهم خالص لان في ناس فعلا بتتكره ممكن الموقف يتظبط بعد كدا بس في اوقات فعلا الواحد بيحس انه كاره شخص معين ولو شافو بيبقي عايز يولع فيه بس طبع رأي حضرتك يُحتَرم

بالنسبة للشق التانى من الموضوع

أحبك .... معتقدش ان فى حد مابيقدرش يقوللها .... لاننا عمرنا مانقدر نعيش بدون مانحب .... بس لازم نعرف بنحب ميين و امتى و هل الحب ده بيقربنا من ربنا ولا بيبعدنا عنه

أعتقد ان اللى مايقدرش يقول الكلمات الكويسة زى أنا آسف و حقك عليا و أنا غلطان و الاعتراف بالخطأ وكده

هو انسان متعودش على انه يقوللها ... و ممكن يحس انه بيقلل من قيمته لو قال حاجة منها ... مع ان لو هو قالها بيزيد فى نظر اللى قدامه

قد يفهمها البعض انه تكبر و تعالى عليهم ... فهم لا يستحقون انه يقللهم انا آسف

لكن فى الاول و فى الاخر .... لازم اللى مابيعرفش يقول الكلام ده .... لازم يمرن نفسه على الكلام ده ... حتى لو مش مخطأ .... ساعات كتير مجرد كلمة حقك عليا و الكلام ده بتهدى النفوس بشكل غير طبيعى .... ممكن الشخص ده يكون عاوز يقول و مش قادر ... ف يحاول يعمل حاجات تانية أصعب من انا آسف .... لكن برده ماتهداش النفوس و تطيب القلوب الا لما اللى قدامهم يعترف بخطأه لو مخطئ

مش لازم يقول انا اسف بس ممكن اي كلمه بديله تحل الموقف وخلاص يعني معلش ما تزعلش كدا يعني لأن انا اسف دي تقيله علي ناس كتير جدا وصعب انها تطلع منهم

لا استطيع .... أو معرفش ... للاسف كتير مننا بيتكسف يقوللها ... عشان كده بيضطر اللى مش بيقولها انه يفتى بالتعبير المصرى البسيط ... يعنى يقول اى حاجة ... المهم انه يكون عارف ... و للاسف ده ساعات بيكون غلط ... و خصوصاً ساعة لما تسأل واحد عن شارع أو محل .... لدرجة ان المثل ساعات اتقلب من ... اللى يسأل مايتهش ... لـــ اللى يسأل يتوه

فعلا عندك حق لأن المفروض عارف تقول مش عارف يبقي ما تفتيش

اما الثقة ... ف ده ممكن مر بتجارب وحشة ف حياته ... خسر فيها حاجات ... و حس ان الثقة هى السبب ... و قرر من ساعتها انه مايثقش ف حد مهما كان ... و احب اقولله ... مش للدرجة دى ... هو يثق فى الناس عادى ... بس ياخد برده حذره .... و يحاول يبص للدنيا بمنظور أكثر تفاؤلاً ... بدون التخلى عن الحذر فى التعامل مع الافراد .... و مش معنى انه ياخد بحذره و هو بيتعامل انه مش بيثق فى الناس ... لكن ده أشبهه زى الدرع الواقى ... يدخل اى معركة بيه ... عشان ينقذه من أى سهام غدر من أى حد

ويمكن من اللي بيشوفه قدامه فبيحاول انه يقي نفسه وخلاص

في ناس كتير بتقول الكلام ده بس
انا مش متفقه معاهم خالص لان في ناس فعلا بتتكره ممكن الموقف يتظبط بعد كدا
بس في اوقات فعلا الواحد بيحس انه كاره شخص معين ولو شافو بيبقي عايز يولع
فيه بس طبع رأي حضرتك يُحتَرم

أوك بس فى حاجة

عَنْ أَبي هُرَيرَةَ رضي الله عنه قَالَ: قَالَ رَسُولُ اللهِ
صلى الله عليه وسلم: (لاَ تَحَاسَدوا، وَلاَتَنَاجَشوا، وَلاَ تَبَاغَضوا،
وَلاَ تَدَابَروا، وَلاَ يَبِع بَعضُكُم عَلَى بَيعِ بَعضٍ، وَكونوا
عِبَادَ اللهِ إِخوَانَاً، المُسلِمُ أَخو المُسلم، لاَ يَظلِمهُ، وَلاَ
يَخذُلُهُ، وَلا يكْذِبُهُ، وَلايَحْقِرُهُ، التَّقوَى هَاهُنَا - وَيُشيرُ
إِلَى صَدرِهِ ثَلاَثَ مَراتٍ - بِحَسْبِ امرىء مِن الشَّرأَن يَحْقِرَ
أَخَاهُ المُسلِمَ، كُلُّ المُسِلمِ عَلَى المُسلِمِ حَرَام دَمُهُ
وَمَالُه وَعِرضُه)

قال:
"وَلا تَبَاغَضوا" أي لا يبغض بعضكم بعضاً ، والبغضاء لا يمكن تعريفها،
تعريفها لفظها:كالمحبة والكراهة، والمعنى: لا تسعوا بأسباب البغضاء.
وإذا
وقع في قلوبكم بغض لإخوانكم فاحرصوا على إزالته وقلعه من القلوب.

يعنى منحولش اننا نخلى فى قلوبنا أى كراهية لحد ... و نحاول نتسامح مع الناس قدر المستطاع

انا اسف دي تقيله علي ناس كتير
جدا وصعب انها تطلع منهم

هنا تكمن المشكلة من وجهة نظرى ... ليه تقيلة عليهم ... منقلش هم كده و خلاص .... لازم اللى شايف نفسه كده ... يحاول يحلل ايه اللى بيخليه كده ... لان كلنا خلق على فطرة الاسلام ... مفيش حد فينا خلق على فطرة وحشة .... اذاً ف الاساس ان الواحد يتأسف لما يغلط ... و على فكرة أعتقد ان الناس دول يقدروا فعلاً انهم يتأسفوا ... بس هم فاهمين نفسهم غلط ... هاقول مثال ممكن يكون بعيد شوية ... مش بشبه استغفر الله العظيم ... و لكن بقول ان الواحد عنده القدرة على التأسف و الاعتذار ... لما الواحد بيعصى و يذنب ... مش بستغفر ربنا ... هل الواحد يقدر يستغنى عن الاستغفار ... معتقدش

ويمكن من
اللي بيشوفه قدامه فبيحاول انه يقي نفسه وخلاص

هناك فرق بين الوقاية و المنع

هاضرب مثل بسيط جداً ... واحد مثلاً شايف من حواليه الازواج بيتخانقوا و مش بيتفاهموا مع بعض ... و عايشين عيشة وحشة ... معنى كده ان الجواز هو السبب فى المشاكل و انه مايتجوزش !!! ... و لا معناها ان المشكلة فى الازواج نفسهم

مثلاً فرقة كانت بتكسب كل الفرق اللى قدمها ... و انا جه الدور عليا انى الاعبها ... هل انسحب لمجرد انها كسبت كل الفرق التانية و انى خايف لتكسبنى ... و لا الاعبها و احاول على قد ما اقدر انى أكسبها

مثال تانى : مثلاً واحدة بتشوف المضايقات اللى بتحصل للبنات فى الشوارع من معاكسات و غيره ... هل معنى كده انها متنزلش الشارع عشان تقضى حوائجها ؟؟؟ ... ولا انها تلبس محترم و تحافظ على نفسها

أنا شايف ان مش معنى ان حد شاف تجارب غيره وحشة و السبب أخطاء وقعوا فيها ... انه مايدخلش التجارب دى ... و لكن عليه دراسة الاخطاء اللى وقع فيها الناس و تفاديها

eng_hemaa كتب:: في ناس كتير بتقول الكلام ده بس
انا مش متفقه معاهم خالص لان في ناس فعلا بتتكره ممكن الموقف يتظبط بعد كدا
بس في اوقات فعلا الواحد بيحس انه كاره شخص معين ولو شافو بيبقي عايز يولع
فيه بس طبع رأي حضرتك يُحتَرم

أوك بس فى حاجة

عَنْ أَبي هُرَيرَةَ رضي الله عنه قَالَ: قَالَ رَسُولُ اللهِ
صلى الله عليه وسلم: (لاَ تَحَاسَدوا، وَلاَتَنَاجَشوا، وَلاَ تَبَاغَضوا،
وَلاَ تَدَابَروا، وَلاَ يَبِع بَعضُكُم عَلَى بَيعِ بَعضٍ، وَكونوا
عِبَادَ اللهِ إِخوَانَاً، المُسلِمُ أَخو المُسلم، لاَ يَظلِمهُ، وَلاَ
يَخذُلُهُ، وَلا يكْذِبُهُ، وَلايَحْقِرُهُ، التَّقوَى هَاهُنَا - وَيُشيرُ
إِلَى صَدرِهِ ثَلاَثَ مَراتٍ - بِحَسْبِ امرىء مِن الشَّرأَن يَحْقِرَ
أَخَاهُ المُسلِمَ، كُلُّ المُسِلمِ عَلَى المُسلِمِ حَرَام دَمُهُ
وَمَالُه وَعِرضُه)

قال:
"وَلا تَبَاغَضوا" أي لا يبغض بعضكم بعضاً ، والبغضاء لا يمكن تعريفها،
تعريفها لفظها:كالمحبة والكراهة، والمعنى: لا تسعوا بأسباب البغضاء.
وإذا
وقع في قلوبكم بغض لإخوانكم فاحرصوا على إزالته وقلعه من القلوب.

يعنى منحولش اننا نخلى فى قلوبنا أى كراهية لحد ... و نحاول نتسامح مع الناس قدر المستطاع

انا اسف دي تقيله علي ناس كتير
جدا وصعب انها تطلع منهم

هنا تكمن المشكلة من وجهة نظرى ... ليه تقيلة عليهم ... منقلش هم كده و خلاص .... لازم اللى شايف نفسه كده ... يحاول يحلل ايه اللى بيخليه كده ... لان كلنا خلق على فطرة الاسلام ... مفيش حد فينا خلق على فطرة وحشة .... اذاً ف الاساس ان الواحد يتأسف لما يغلط ... و على فكرة أعتقد ان الناس دول يقدروا فعلاً انهم يتأسفوا ... بس هم فاهمين نفسهم غلط ... هاقول مثال ممكن يكون بعيد شوية ... مش بشبه استغفر الله العظيم ... و لكن بقول ان الواحد عنده القدرة على التأسف و الاعتذار ... لما الواحد بيعصى و يذنب ... مش بستغفر ربنا ... هل الواحد يقدر يستغنى عن الاستغفار ... معتقدش

بص يا بشمهندس طبعا مع حضرتك في ان لو مشينا علي كل قيم الدين والسنه والقران هنبقي احسن ناس في الدنيا لكن موضوع الاستغفار ده فربنا فوق كل شئ يعني اللي مستحيل اقوله لاي مخلوق اكيد مش هايبقي مشتحيل اني اقوله لربنا
انا عن نفسي لا اقول اسف لأني لا اقبل التوبيخ من اي حد اي ان كان مين وباشوف ان الاسف باللفظ ده "اســـــــــــــــــــــــف" تقليل للكرامه ممكن يكون غلط بس في بدائل ؟؟؟
ايوا في
ايه هي ؟؟؟
معلش
ما تزعلش
كدا يعني وده بديل انما لو الشخص الاخر مصر علي انا اسف فانت حر بقي وبردو موضوع معلش ده ما بيتكررش كتير هي مره واحده مش معلش لأ زعلانه معلش لالالالالالالالالالالالاالحوار ده لأ خالص

في الاول والاخر احنا بشر وماحدش هايقدر يوصل بنفسه للكمال لان الكمال لرب العالمين وحده
فلازم كل واحد يبقي فيه عيوب عالرغم من ان عدم قول "اسف " مش عيب دي افكار مش اكتر

ويمكن من
اللي بيشوفه قدامه فبيحاول انه يقي نفسه وخلاص

هناك فرق بين الوقاية و المنع

هاضرب مثل بسيط جداً ... واحد مثلاً شايف من حواليه الازواج بيتخانقوا و مش بيتفاهموا مع بعض ... و عايشين عيشة وحشة ... معنى كده ان الجواز هو السبب فى المشاكل و انه مايتجوزش !!! ... و لا معناها ان المشكلة فى الازواج نفسهم

علي فكرا بقي انا قابلت ناس بتفكر كدا
اه فعلا تلاقي حد بيتقاله ايه ياعم مش ناوي تكمل نص دينك عالمعتاد يعني يقولو يا عم دا كله وجع دماغ انت ما شفتش فلان وفلان وفلان

لأننا بناخد المثل السئ مش الكويس للأسف

مثلاً فرقة كانت بتكسب كل الفرق اللى قدمها ... و انا جه الدور عليا انى الاعبها ... هل انسحب لمجرد انها كسبت كل الفرق التانية و انى خايف لتكسبنى ... و لا الاعبها و احاول على قد ما اقدر انى أكسبها

مثال تانى : مثلاً واحدة بتشوف المضايقات اللى بتحصل للبنات فى الشوارع من معاكسات و غيره ... هل معنى كده انها متنزلش الشارع عشان تقضى حوائجها ؟؟؟ ... ولا انها تلبس محترم و تحافظ على نفسها
بردو في ناس بتفكر كدا بيشوفوها نوع من الحمايه لنفسهم مش أكتر هتقولها البسي محترم هاتقول دا البنات بتبقي لابسه اسدال وبتتعاكس ؟؟؟

أنا شايف ان مش معنى ان حد شاف تجارب غيره وحشة و السبب أخطاء وقعوا فيها ... انه مايدخلش التجارب دى ... و لكن عليه دراسة الاخطاء اللى وقع فيها الناس و تفاديها

تمام بس في الاول والاخر انت بتحاول انك تتصرف علي اساس ان الناس مش تمام لانك أكيد مش هتتعامل مع الناس كلها

انا
عن نفسي لا اقول اسف لأني لا اقبل التوبيخ من اي حد اي ان كان مين وباشوف
ان الاسف باللفظ ده "اســـــــــــــــــــــــف" تقليل للكرامه ممكن يكون
غلط بس في بدائل ؟؟؟
ايوا في
ايه هي ؟؟؟
معلش
ما تزعلش

أختلف مع حضرتك فى الرأى ده ... لسبب لان ده مش إعتذار ده اسمه تطييب خواطر ... الاعتذار انى أقر بخطأى فى حق شخص ... و البدائل اللى حضرتك طرحتيها دى مفيهاش أى حاجة تدل على اعتراف الخطأ ... دى حاجة

الحاجة التانية ... ميين اللى قال ان الاعتذار هو تقليل للكرامة أو يمثل توبيخ للشخص ... الاعتذار هو اعتراف بالخطأ و هو من شيم الكبار ... أنا هاقول حاجة توضخ ان الاعتذار لغة الكبار
عارفين موقف الصحابى أبو ذر مع سيدنا بلال لما قال له حتى انت يابن السوداء تخطئنى لمجرد اختلافهم فى الرأى ... لما سيدنا محمد عرف بالموقف ده غضب من أبو ذر ف ندم أبو ذر و حط خده على التراب و قال لسيدنا بلال مقولته المشهورة : و الله يا بلال لا ارفع خدى عن التراب حتى تطأه قدماك ... أنت الكريم و أنا المهان

هل سيدنا أبو ذر قلل كده من كرامته ؟؟؟ و شوفوا مدى إعتذار أبو ذر و إعترافه بالخطأ فى حق بلال

لو كلمة آسف تقيلة على لسان الناس أمال يقولوا ايه فى موقف أبو ذر

في
الاول والاخر احنا بشر وماحدش هايقدر يوصل بنفسه للكمال لان الكمال لرب
العالمين وحده
فلازم كل واحد يبقي فيه عيوب عالرغم من ان عدم قول "اسف "
مش عيب دي افكار مش اكتر

من الخطأ اننا نعتبر ان الكمال لله وحده ده مبرر يخلينا نرضى عن عيوبنا و منحولش نغيرها المفروض اننا نسعى بشتى الطرق لاى أقصى منزلة عند ربنا ... مش ترضى بعيوبنا و نقول محدش كامل ... المفروض اننا نرتقى بنفسنا و نصلح عيوبنا ... و على فكرة عدم القدرة على الاعتذار ده عيب و ممكن تضيع من الواحد حاجات (( مجرد رأى ))

تمام
بس في الاول والاخر انت بتحاول انك تتصرف علي اساس ان الناس مش تمام لانك
أكيد مش هتتعامل مع الناس كلها

غلط انى اظن فى الناس ظن سوء

eng_hemaa كتب:: انا
عن نفسي لا اقول اسف لأني لا اقبل التوبيخ من اي حد اي ان كان مين وباشوف
ان الاسف باللفظ ده "اســـــــــــــــــــــــف" تقليل للكرامه ممكن يكون
غلط بس في بدائل ؟؟؟
ايوا في
ايه هي ؟؟؟
معلش
ما تزعلش

أختلف مع حضرتك فى الرأى ده ... لسبب لان ده مش إعتذار ده اسمه تطييب خواطر ... الاعتذار انى أقر بخطأى فى حق شخص ... و البدائل اللى حضرتك طرحتيها دى مفيهاش أى حاجة تدل على اعتراف الخطأ ... دى حاجة

الحاجة التانية ... ميين اللى قال ان الاعتذار هو تقليل للكرامة أو يمثل توبيخ للشخص ... الاعتذار هو اعتراف بالخطأ و هو من شيم الكبار ... أنا هاقول حاجة توضخ ان الاعتذار لغة الكبار
عارفين موقف الصحابى أبو ذر مع سيدنا بلال لما قال له حتى انت يابن السوداء تخطئنى لمجرد اختلافهم فى الرأى ... لما سيدنا محمد عرف بالموقف ده غضب من أبو ذر ف ندم أبو ذر و حط خده على التراب و قال لسيدنا بلال مقولته المشهورة : و الله يا بلال لا ارفع خدى عن التراب حتى تطأه قدماك ... أنت الكريم و أنا المهان

هل سيدنا أبو ذر قلل كده من كرامته ؟؟؟ و شوفوا مدى إعتذار أبو ذر و إعترافه بالخطأ فى حق بلال

لو كلمة آسف تقيلة على لسان الناس أمال يقولوا ايه فى موقف أبو ذر

في
الاول والاخر احنا بشر وماحدش هايقدر يوصل بنفسه للكمال لان الكمال لرب
العالمين وحده
فلازم كل واحد يبقي فيه عيوب عالرغم من ان عدم قول "اسف "
مش عيب دي افكار مش اكتر

من الخطأ اننا نعتبر ان الكمال لله وحده ده مبرر يخلينا نرضى عن عيوبنا و منحولش نغيرها المفروض اننا نسعى بشتى الطرق لاى أقصى منزلة عند ربنا ... مش ترضى بعيوبنا و نقول محدش كامل ... المفروض اننا نرتقى بنفسنا و نصلح عيوبنا ... و على فكرة عدم القدرة على الاعتذار ده عيب و ممكن تضيع من الواحد حاجات (( مجرد رأى ))

تمام
بس في الاول والاخر انت بتحاول انك تتصرف علي اساس ان الناس مش تمام لانك
أكيد مش هتتعامل مع الناس كلها

غلط انى اظن فى الناس ظن سوء

ااحتمال بس في الاول والاخر دي اراء وأفكار في ناس قابله لتغيير افكارها وناس لأ

[/color][/u][/b][/font][/font][font='Arabic Transparent'][font=Courier New][b][u][color=violet]

كلمه اسف كلمه سهله اوي وبتصفي النفوس
الاعتراف بالخطا ده بيموت الخطا
كلمه احبك كلمه جميله بس مش لاي حد تتقال
كلمه الكره اعوذ بالله
كلمه سامحيني هي الاعتراف بالخطا الذي يتبعه الاسف
لا استطيع اكيد في حاجات ما بنقدرش نعملها فمش عيب اني اقولها بس لو الحاجه دي ضروريه الافضل اني اتعلم اعملها
انا اثق جميل ان يكون عندي حد اثق فيه واقوله علي اسراري ودول في اغلب الاحيان اصحابي ربنا ما يحرمني منهم

اي الكلمات ................ Icon_bounce

انا بقي الحمد لله قلتهم كلهم ما عدا كلمه اكرهك دي

وبالنسبه لكلمه اسف في بعض الناس بيعتبروها انها صعبه جدا

او لو حد قالها يبقي ضعيف الشخصيه بالعكس انا الكلمه دي موش

بتردد في نطقها لو غلطان وفعلا زي البشمهندسه civil on lineقالت فعلا كلمه

اسف خفيفه جدا ومعناها كبير وبتهدي النفوس

نايس توبك يا مستر