الصداقه كنز ولكن.......................كل شئ له تمن ؟؟؟اليس كذلك

من هو صديقي هو :
الصديق .. الذي يشاركني مســراتي وأحزانــي
الصديق .. الذي يبــادلني المشــاعر في أفراحي واتراحي
الصديق .. الذي يقف مــعي في حلو وقتي ومره
الصديق .. الذي يصـــدقني الحـــب والوفـــاء
الصديق .. الذي يمسح دموعي
الصديق .. من يرفع بي ولا ينحدر بي
الان قل لي كــم صـــديق لــك ؟؟؟

الصديق .. الصدوق
الصديق .. الاخ
الصديق .. الأنسان
الصديق .. الوفي
الصديق .. من اثق به
الصديق .. الحنون
والان قل لي كــم صــديق لــك ؟؟

في زمن طغى فيه الغدر والخيانه
في زمن انعدم في الصدق والوفاء
في زمن أظلم بالكذب والمجاملات
في زمن سادت فيه الأنانيه والمصالح الشخصيه
في هذا الزمن
لديك مال .. اذن لديك أصدقاء
لديك جاه .. اذن لديك أصدقاء
لديك منصب .. اذن لديك أصدقاء

!! فجــــــأة
ذهب المال .. فر الأصدقاء
زال الجاه .. رحل الأصدقاء
انعدم المنصب .. طار الأصدقاء

في هذا الزمن
لك عندي مصلحه .. فأنت صديقي
لك عندي حاجه .. فأنت أخي
لك عندي غرض .. فأنت المخلص الوفي
انتهت المصلحه
من انت ؟؟ لا اعرفك ؟؟
لا اتذكرك ؟؟ لم اراك ؟؟

انتهت المصــــلحة
انتهى معها الكلام
انتهى معها السلام

يا تري انتو شايفين ده بردو ولا لسه في ناس كويسين وتمام بس حتي لو دول قله

للاسف ارى ان دى نظرة سلبية عن الحياة

أعتقد ان الحياة ما هى الا مجموعة من المتناقضات

الخير و الشر

الفناء و الفقر

الاخلاص و الخيانة

الخ

و لابد من وجود الصفة و عكسها بالدنيا حتى نشعر بالصفة

فان لم يكن هناك شر ... ما كنا شعرنا بقيمة الخير

و هكذا

مش كل الناس وحشين و مش كل الناس استغلاليين

أعتقد ان اللى شايف الدنيا كلها كده سودة و مفيش اخلاص و لا وفاء ... ف هو انسان مخدوع .... يإما حد خدعه و ضحك عليه بالكلام ده ... أو هو ات نفسه اللى خدع نفسه بالكلام ده و شيطانه صورله المفهوم ده فى لحظة يأس

أعتقد ان الانسان ده عامل زى اللى لابس نضارة سودة .... شايف بيها كل الدنيا سودة و مفيش حاجة بيضا .... مع ان ممكن فى حاجات بيضا بس هو مش حاسس بيها بسبب النضارة السودة اللى هو لابسها

يمكن الانسان ده لو قلع النضارة دى .... ممكن يشوف حاجات بيضا كتير

مفيش فى الدنيا دى صفة موجودة فى كل الدنيا

فى كده و فى كده

و احنا ربنا منن علينا بنعمة العقل ... عشان نختار فى اى فئة نبقى

مش اننا نقول يا عم الطيب فى الزمن ده ملوش مكان ... و انا لازم اتسحر بالناس قبل ما يقطروا بيا ... و الواحد مش هايعرف يعيش فى الدنيا دى لو كان طيب

كل دى مفاهيم خاطئة و خدع .... بيضحك الشيطان علينا بيها

دلوقتى اللى بيقول مفيش صداقة حقيقية .... ليه مايحولش انه يبقى صديق حقيقى و يحمل العمل ده كرسالة ليه فى حياته

اللى بيقول مفيش اخلاص ولا وفاء ... ليه مايكنش هو المخلص و الوفى لاصحابه و برده يحمل العمل العظيم ده كرسالة يخدم الاسلام بيها

واحد هايقوللى يا عم ايه الكلام الكبير المتزوق اللى انت بتقولله ده ... الكلام ده عمره ما هيبقى فى الدنيا

اقولله و الله عليك بنفسك ... انت مش عارف تبقى كده ... يبقى انت اللى عندك قصور و لازم تصححه

اللى انا اعرفه ان الانسان المفروض يبقى طيب و كويس و يبقى مسلم بجد مش مسلم ع ورق و خلاص

ديننا مابيعلمناش ان الطيب فى الزمان ده ملوش مكان

سامع حد يقوللى المسلم القوى خير من المسلم الضعيف

و هاقولله و هل الطيبة و التسامح دلوقتى بقى ضعف ؟؟؟

هايقوللى بالظبط

أقولله ... مش متفق معاك

ربنا سبحانه و تعالى و سيدنا محمد عليه الصلاة و السلام

هم اللى امرونا باننا نتسامح مع الناس

حتى لو مش متقبلين الافراد اللى غلطوا فبنا ... نحاول نسامحهم قدر المستطاع و نتجنبهم

ده رأيى الشخصى

ممكن حد يختلف معايا

أولا شكرا للتفاعل

ثانيا :
انا اتفق مع كلمات الموضوع وكما مع حضرتك لكن كل منهم بنسبه ما
لو حضرتك تلاحظ ان انا ما عممتش وأكيد لا احد فينا ينكر ان هناك مثل هذه الصداقات مصلحه يعني ده أكييييييييييييييييد موجود وأكيد كلنا قالبلنا النماذج ددي وده مش معناه ان الناس كلها كدا لا بالعكس في اصدقاء اوفياء جدا والواحد فعلا ما بيقدرش يستغني عنهم بس فعلا دول عمله نادره ومش سهل انك تلاقي صديق يجمع كل الصفات الي تختص بها كلمه صداقه

اكيد طبعاااا وبلا شك زى ما فى ناس كويسة ومحترمة كتيير ...بردو فى الوحش وده اللى لازم نتجنبه....

....و انك تلاقى اصدقاء واوفياء ومخلصين اقلة خير من الف صديق

الصداقة فى حد ذاتها شىء جميل بس المهم انك تختار اصدقائك صح .....

موضوع جميل تسلمى

الاصدقاء موجودين وبتوع المصلحه موجودين
سيبك من بتوع المصلحه وركزي مع الصداقه بس ولا تزعلي نفسك
فالصداقه كنز لايفني
وبصراحه ما اقدرش اتخيل حياتي بدون اصدقاء