يوميات إبليسية

كنت جالساً على الشبكة العنكبوتية أبحث عن آخر الأخبار
وأكتب بحثاً جديداً ...

وإذا بصوت يعم المكان ...
إنه صوت الأذان .....

الــلــه أكــبــر ...... الــلـه أكــبــر

حينها ههمت بالنهوض ..

رايح فين بس ؟؟؟
رايح أتوضى عشان ألحق الصلاة
استنى بس لغاية الإقامة ما تيجي ...
تكون خلصت مع أصحابك وخلصت الموضوع اللي في إيدك ده ...

أشهد أن لا إله إلا الله ... أشهد أن لا إله إلا الله

بس أصحابي والشغل ممكن يستنوا ... الصلاة متستناش ..
وبعدين كده الصف الأول هيفوتني ...
يا ابني كده أصحابك هيزعلوا منك ..
وانت أصلاً الفرض عليك الصلاة مش السنن والصف الأول ..

أشهد أن محمداً رسول الله .... أشهد أن محمداً رسول
الله .

يعني زعل أصحابي أهم ولا زعل ربي ؟؟؟؟؟
وبعدين إنت كمان عايز تحرمني من ثواب السنن ؟؟
بس مييين قالك إن ربنا هايزعل منك ؟؟؟
إنت كده بتخنق على نفسك .....
ربنا سبحانه وتعالى قال : (( وأطيعوا الله وأطيعوا
الرسول))
يعني طاعة رسول الله -صلى الله عليه وسلم - أمر من ربنا ...
فلازم نتبع سنة الحبيب ...
بس برضه إنت مينفعش تسيب الناس كده

حي على الصلاة

وينفع أسيب الصلاة كده؟؟!!!!
يا ابني أنا مقلتلكش سيب الصلاة ..
ثانياً انت مش شايف نفسك عامل إزاي ؟؟؟؟

حي على الصلاة

عامل إزاي يعني ؟؟؟؟؟
ده انت النهاردة طلعت عينك في الشغل ...
أنا فعلاً تعبت كتير أوي النهاردة..
شفت بقى ؟؟؟
ده أنا من الصبح وانا شغال ....
صحيت بدري وبعد كده رحت لل....

حي على الفلاح

لالالالالا
مينفعش الصلاة تفوت أبداً
حتى لو تعبان
يا ابني أكيد ربنا عارف حالتك ومش هيزعل منك
أكيد ربنا عارف حالتك ومش هيزعل منك
ربنا عارف حالتك
ومش هيزعل منك ...
فعلاً ربنا سبحانه وتعالى رحيم بعباده
(( حــبـيـبـي ))

حي على الفلاح

لــكـن ... هو التعبان بيعد على كمبيوتر ويكلم أصحابه ؟؟
إنت قاعد على كمبيوتر فمستريح ...
لكن انت عارف إنهم بيتأخروا جامد لحد الإقامة وكده مش هتركز في الصلاة ...
الــلـه أكــبــر .... الــلـه أكــبــر

راحة المؤمن في الصلاة زي ما قال رسول الله
-صلى الله عليه وسلم - (( وجعلت قرة عيني في الصلاة )) ده غير انه كان بيقول لسيدنا بلال ... أرحنا بها يا بلال
يعني اللي تعبان يروح يصلي عشان يرتاح ...
أكيد ربنا عارف حالتك ومش هيزعل منك ...
طاوعني انت
بس ومش هتندم ...
يا ابني أنا بحبك وخايف عليك لاحسن يحصلك أي حاجة ...
حاجة زي إيه يعني ؟؟؟؟
شوف إنت بقى ...

لا إله إلا الله

أشوف إيه يعني ؟؟؟
انت كده قلقتني ..
هو أنا ممكن يحصلي حاجة لا قدر الله ؟؟
ممكن بس ؟!! ده أكـيييييييييييد ...
أمال إنت فاكر إيه ؟؟
شوف صاحبك اللي فضل يجاهد في نفسه
ونزل يصلي راح نايم وهو بيصلي ...
هو ده بقى اللي يرضي ربنا ؟؟؟؟؟
إنك تنام وانت بتصلي ؟؟؟
لالالا ... طبعاً ميرضيش ربنا ...
طيب يا أخي .. ريحلك شوية عشان تنزل
الصلاة وانت نشيط وتركز فيها ...
طيب هو الشوية اللي هعدهم لحد
الإقامة هما اللي هيخلوني منامش في الصلاة ؟؟؟!!
طبعاااااااا ... إنت هتفضل تتكلم مع
أصحابك فمش هتنام ...
أقولك ؟؟
إعملك كوباية كابتشينو كده واضربها في السريع ...
عشان تصحصح كده ....
.....
......
.........
الــلـه أكــبــر .... الــلــه أكــبــر

ياااااااه .. دي الإقامة أذنت خلاص ...
يا دوب أنزل عشان ألحق تكبيرة الإحرام ...
يا عيني على المحافظة !!!!
طيب مادام إنت بتحافظ أوي .. مش تكمل الكوباية اللي في إيدك دي ... ولا
هتسيبها لحد ما تترمي ؟؟
يا أخي إنت عايز تبقى مبذر ولا إيه ؟؟
لالاطبعاً ....أعوذ بالله أن أكون من المبذرين ...
بس كده الصلاة هتفوتني ..
متخافش ..
خلصها إنت بس وهتلحقهم ... متخافش .
عندك حق ... حرام نرمي النعمة برضه
......
(( ده انت طلعت زبون ))

السلام عليكم ورحمة الله وبركاته ... السلام عليكم
ورحمة الله ..

إيه ده ؟؟؟!!!!!!!!
الصلاة خلصت .....
طب يا رب ألحق الجماعة التانية .
طب ما تصلي في البيت ..
إيه؟؟؟!!!!!
لأ طبعاً مينفعش ...
صلاة الجماعة فضلها كبير جداً ومينفعش أضيعها ...
إنت شكلك عايز تنزل عشان الناس تقول عليك يا شيخ وعارف
ربنا ..
لالالالا
والله أنا مش كده خالص
يا ابني انت كده
ربنا يعلم إني مبصليش عشان الناس
يا ابني أنا عارفك أكتر من نفسك
ده أنا بكون معاك وانت نايم ومش دريان
يعني كده صلاتي مش هتتقبل وربنا هيبقى غضبان عليا ؟؟؟؟
((حـبـيـبي))
أيوة انت كده مش هتتقبل صلاتك
لأنك بتصلي للناس مش لربنا
ولو انت مش كده إثبتلي
أثبتلك إزاي يعني ؟؟؟
صلي في بيتك يا أخويا
وريني هل فعلاً هتصلي كويس ولا .....
لالالالا
كده صلاة الجماعة هتفوتني
يا ابني انت حر ...
بس أنا حذرتك
صلاتك مش هتتقبل
مش هتتقبل
مش هتتقبل يا منافق
لالالا .. أعوذ بالله من النفاق ..
أنا هثبتلك إني مبصليش عشان الناس وهقوم أصلي هنا أهو ...

(( وما إن هممت بالنهوض حتى سمعت جرس التليفون ))

-آلو
-مين معايا ؟؟؟؟؟
-أحمد ؟؟؟؟؟
-ياااااااااه بقالي كتير مسمعتش صوتك .. واحشني والله .
قولي بقى إنت إيه أخبارك؟؟؟ وعملت إيه في حياتك ؟؟؟
- أقابلك دلوقتي ؟؟؟
أيوة لكن....
-لأ طبعاً عايز أشوفك ...
خلاص مسافة السكة وأكون عندك ......

يادوب
ألحق أصلي قبل ما أنزل
يا ابني خلي عندك دم... الواد مستنيك .
وبقالكوا كتييييييييير مشفتوش بعض ..
طيب والصلاة ؟؟؟؟
يا أخي صلي في الشارع لما تقابله , أهو حتى تخليه يصلي
هو كمان ...
لكن....
ولا أقولك؟؟
عندك حق ...
هتبقى قلة ذوق لو سبته مستني في الشارع...
......
........
(( وقابلت صديقي ... وأخذنا الوقت حتى ........))

الــلـه أكــبـر ..... الــلـه أكــبـر
أذان العشاء !!!!!
يا نهااااااااااااااااار .... ده أنا مصلتش المغرب لحد دلوقتي ...
((وبينما يعتصر الألم قلبي
... كنت أفكر في سبب ما فعلت ..
حينها كنا نعبر الطريق و..........))

-لا حول ولا قوة إلا بالله..
-يا جماعة صدقوني هو اللي كان ماشي سرحان ...
- حد يطلب الإسعاف بسرعة ..الراجل بين الحياة والموت ....

وخفتت الأصوات حتى لم أعد
أتبين حقيقتها ....
كانت الوجوه جميعها تلتف حولي ...
أخذت الرؤية تضعف رويداً رويداً حتى أظلم كل شئ أمامي ...
حينها مر أمام عيناي شريط حياتي كاملاً بكل ما فيها ..
مشاهد كثيرة متعاقبة لا تجعل أمامك أي فرصة في التدبر ..
حتى توقفت المشاهد كلها عند مشهد واحد ...
مشهد سمعت فيه دعاءً إلى الصلاة ولم أُجِبه...
حينها سمعت صوتا موحشاً يضحك

[size=29]هعهعهعهعهعهعهعه
إشرب يا معلم
يا خبيث ... هي دي النصيحة اللي نصحتهالي ؟؟؟
أنا ضربتك على إيدك عشان تسمع كلامي ؟؟؟؟
واختلطت دموعي ... دموع الندم- حين لا يفيد الندم -
بصوت ضحكاته الخبيثة ....
وكانت النهاية ..
....
.......
............

الــلــه أكــبـر .... الــلــه أكــبــر
أذان الفجر

اصحى يا ابني ؟؟؟؟
مالك؟؟؟؟
انت بتحلم ولا إيه ؟؟؟؟؟

أعوذ بالله من الشيطان الرجيم ..
كان كابوس فظيع ...

خير اللهم اجعله خير
احكيلي يا ابني

حاضر يا أمي ...
أصلي الأول وبعدين أحكيلك ......

الحمد لله على نعمة الإسلام وكفى بها نعمة ...

أقم صلاتك ... تنر حياتك [/size]

الموضوع ده مش مجهود منى وحدى

و لكن هو مجهود بينى و بين أحد أصدقائى العزاز عليا أوى اسمه طارق

الموضوع بيصور صراع بين الانسان و شيطانه من خلال مشهد درامى

بيحاول فيه الانسان انه ينزل يصلى فى الجامع لكن الشيطان بيحاول معاه بشتى الطرق عشان يقنعه انه مايصليش

لحد ما الانسان بتفوت عليه الصلاة

و هنا فى المشهد تخيلنا انه خبطته عربية و هو ماشى

و فضل يفكر فى خدعة الشيطان ليه

و لكن فى الاخر اكتشف ان ده كان كابوس ... بس اتعلم منه انه ينزل يصلى فى الجامع علطول و مايستسلمش للشيطان و مكايده

طبعاً احنا عارفيين ان دى جولة من جولات كتير بيننا و بين الشيطان

بالله عليكم عاوزين نتفق اننا نحاول بشتى الطرق اننا نكسب الجولة دى من الشيطان و نحاول مندلهوش اى جولة

و ربنا يثبتنا يا رب على خطى سيدنا محمد عليه الصلاة و السلام

Mu7amed Subai7 كتب:

ااااااميـــــــــــــن يارب


اللهم يامقلب القلوب ثبت قلبي علي دينك


تسلم ياهيما انت وطارق والموضوع دا انا شوفته ف الملتقي قبل كده

تسلم يا معلم

هو ده ابراهيم ابن عبد المنعم يا ابني مفيش منك نسختين في البلد مش عارف ليه بتوحشني
يمكن عشان مبتقعدش علي ايميلك ولا من كتر الشعب (الهاكرز)* مابيغزوا فيك يا حبيبي
الاهم موضوعك في التمام

استــــــــــــــاذ يا هيما

akira كتب:

هو ده ابراهيم ابن عبد المنعم يا ابني مفيش منك نسختين في البلد مش عارف ليه بتوحشني
يمكن عشان مبتقعدش علي ايميلك ولا من كتر الشعب (الهاكرز)* مابيغزوا فيك يا حبيبي
الاهم موضوعك في التمام

ههههههههههههههههههه

الله يخليك يا عيد

بس مش مهم الكلام اللى فى الموضوع المهم تنفيذ الكلام