التدريب يوم بيوم

بسم الله الرحمن الرحيم

مرحب بكل رجاله مدنى الناس اللى منورين الدنيا كلها
الموضوع ده عشان نتواصل من خلاله ونقدر نفيد بعض يعنى اللى يتعلم حاجه يقولها واى حد صور صور فى الموقع يرفعها
بحيث اننا نقدر نتواصل مع بعض ونحقق اكبر افاده

بسم الله الرحمن الرحيم
اول يوم فى التدريب
المشروع اللى كنا فيه مشروع رى وصرف

مشروع الصرف
فكرته نقل مياه الصرف من المنازل الى محطه الرفع ثم الى محطه التنقيه

المشروع ممكن نقسمه 3 مراحل

المرحله الاولى
نقل مياه الصرف من المنازل الى محطه الرفع
الفكره
يتم صرف المياه من المنازل الى غرفه تفتيش خارج المنزل 60*60سم وتصب ام خرسانه بقوالب حديد او تبنى بطوب وتبيض من الداخل بالاسمنت والرمل
ثم الى غرفه اكبر 60*90سم يتجمع فيها صرف اكثر من منزل ثم الى مطبق خرسانى وتمر من مطبق لاخر اكبر سعه وعمق الى البياره الرئيسيه ثم الى محطه الرفع

وتمر المياه فى مواسير بلاستك اذا كانت الاقطار صغيره
او فخار فى الاقطار الكبيره
وتمر المياه فيها اعتمادا على الانحدار والميول الموجوده في شبكه الصرف

التنفيذ
تتم عمليه الحفر باعماق معينه تبعا للوحه التنفيذيه حيث يزداد عمق الحفر كلما اقتربنا من محطه الرفع حيث يتجمع فيها صرف المنطقه كلها كما يزداد قطر الماسوره كلما اقتربنا من محطه الرفع

وعمق الحفر بيتوقف على نوع التربه
التربه الطينيه نسبه الميول 3:2
الرمليه1:1 يعنى لو عايزين نعمل فحت على عمق 5متر لازم يكون اتساع الفحت 5م
بعد الانتهاء من عمليه الحفر باعماق محدده والتاكد منها بالامه
تصب فرشه خرسانه عاديه تحت المواسير الزهر ثم توضع المواسير وتلمح مع بعضها وتصب خرسانه عليها بسمك 15سم
لكن المواسير البلاستك تحاط برمل فقط
ثم تتم عمليه الردم على المواسير

وبكده اول مرحله انتهت
المرحله التانيه فى مشاركه تانيه
ياريت يا جماعه تشاركونى فى الموضوع
والسلام ختام

فكرة حلوة

ياريت كل الناس تقدر تستفيد وتفيد غيرها

شكرا ليك

احنا بقي شغلنا خرسانه وشدات وكلام من دا

الاول بقي نبدأمن الاساسات
بيبقي في حاجه اسمها خوازيق بيبقي طولها من 12:20 متر في الارض بتنزل ببامب والخوازيق طبعا بيقي قطرها كبير وبتبقي في القواعد بس القاعده او السمل او السقف أو الكمر بيبقي متكون من حديد ساقط ومعلق وكمان كانات الحديد الساقط ده اللي بيقي تحت وبيتكون من فرش وغطا وكذلك المعلق وده بيبقي فوق
بالنسبه للقواعد بيبقي في حديد في النص اسمه حديد تربيط ده بيتكون منه البراندات الكانات بتبقي طبعا راسيه وبتقاطعها مع الحديد التربيط بتكون مربع ده اسمه براندا ونربط بقي وبعدين نحط البسكوت بسكوت القواعد 7 سم اللي هو بيبقي كوفر الخرسانه وبعدين بنشد القاعده

الكمرات بردو فيها بسكوت بس بيبقي حوالي 3سم هي والاعمده وبلاطه السقف
بالنسبه للكمرات بيبقي فيها حديد معلق وساقط بردو وكانات وتكثيف الكانات بيبقي حسب الديزاين في كانه اسمها كانه شتش دي بتبقي كانيه عاديه بس بتبقي معوجه من فوق وتحت بيحث انها يبقي فيها مكان احط فيه حديد التسلح عشان تحافظ علي المسافه بين حديد التسليح حاولو تتخيلو بقي
كمان لو حطينا حديد مكسح فب الكمره بيبقي 1/5 البحر المجاور لكمره اللي فيها التكسيح والتكسيح بيبقي علي زاويه 45 علي فكرا دا مش زي المواصفات المفروض انه علي 60 درجه

الاعمده بيبقي فيها كانات طيعا بردو انواع كانات العمود
1.كانه حجاب دي بتمك سيخين بس اللي هما بيبقو في النص ومش بنستخدمها الالما يفضل سيخين في النص من غير تربيط وفي منها مثلث بيمسك ال3 اسياخ اللي في حرف العمود والسيخين اللي في الحرف اسمهم الازم
2.كانه حبايه دي بتربط 4 اياخ
3.كانه صندوق دي بتمسك العمود كله
4.كانه عيون بتمسك العمود كله بردو بس كل سيخ بيدخل في عين وكل عمود بيبقي فيه 3 عيون

طبعا في قشاير في العمود اللي هي الاسياخ الل بتبقي باينه من العمود بنحسبها ازاي
65 *قطر السخ

وكمان عشان نوزن الحديد بنشوف وزن المتر ونضربه *طول السيخ
وزن المتر =(قطر السيخ )^2 مقسوم علي 162

البلاطات بقي البلاطه دي سمكها بيبدأ من 14 أ15 سم ولو سمها كدا بيبقي اسمها بلاطه برقه واحده
رقه واحده يعني بتتكون من فرش وغطا بس لاننا زي ما قولنا انها بتتكون من ساقط ومعلق يعني 2 فرش و2 غطا
هنا فرش وغطا بس ودي بتحتاج حديد اضافي
أما لو 20 أو اكتر بتبقي برقتين وبنحط كرسي بين الرقتين عشان ما ينزلوش علي بعض ويحفظ المسافه بينهم ربتبقي المسافه بين كل كرسي والتاني 1 متر تقريبا بنط عليه سيخ حديد بنسميه وتر بيبقي قطره كبير عشان هاتحط عليه بعد كدا باقي الحديد فايقدر يتحمل اه وفي حاجه المفروض ان الفرش بيقي في الاتجاه القصير والمعلق في الاتجاه الطويل بالنسبه للمعلق بيبقي العكس يعني لو عندك في الساقك الفرش في اتجاه @ والغطا في اتجاه# بيبقي المعلق الفرش في اتجاه# والغطا في اتجاه @
في حديد اضافي اسمه برانيط دا بنحطه لما يكون في كمرات في السقف يعني مش فلات اسلاب ولما يكون البلاطه رقه واحده الحديد ده بيبقي واخد ربع البحر من البلاطه لربع البحر للبلاطه التانيخ وبيبقي مارر بالكمره طبعا
اما الحديد الاضافي في البلاطات الفلات اسلاب ما بيدخلش في الاعمده الاساسي بس هو اللي بيدخل فيها

وكفايه كدا بقي لأن الشدات فيها كلام كتير وكمان في كلام كتير في التسليح