ســـــــــــــــــــــــــــــــــــــــــؤال

المشروع عبارة عن مساحة 58 فدان المقاولون العرب وشركة حسن علام
شركة المقاولون العرب بتنفذ مشروع نفق وكوبري جديد ومعم وجنينة ومبني ترفيهي وكمان كام مبني كده وفي بحيرة بيركبولها منشأتها كمان
اما شركة ابو العلا هي اللي ماسكة المنشات السكنية
الموصلات بقي ربنا يكون في عون الجميع
اركبوا المترو وانزلزا مبارك وحولوا بعد كده اركبوا المترو القديم في اتجاه حلوان وانزلوا محطة جمال عبد الناصر اطلعوا السلم هتكونوا في حتة اسمها الاسعاف اسئلو علي عربيات المطار(امبابة) واركبوا وقولو للسواق ينزلكوا المشروع هينزلكوا قدام الموقع بالظبط
ادعولي بقي عشان مشواري انا زي ده مرتين تلاتة

لا هو مش كوبرى جديد ولا حاجة

ده حاجة إسمها إمتداد كوبرى عرابى و هايتم توسيعه و ربطه بالدائرى ... بدل اللفة الكبيرة اللى بنعانى منها

أما بقى المشاريع

ف شكلهم ناويين يغيروا نظرة الناس عن إمبابة ... و يخلوها أرض عالمية ... حدائق و بلوكات منظمة و ملاهى

هو الشئ بس الوحش فى الحوار ده هو الناس المتضررين من المشروع ده

و ده خبر خاص بمشروع امتداد الكوبرى


ينتهي الجهاز المركزي للتعمير التابع لوزارة الإسكان من تنفيذ امتداد محور أحمد عرابي والذي يربطه مع الطريق الدائري نهاية يوليو المقبل وتبلغ تكلفة المشروع الاستثمارية 300 مليون جنيه.

وقال المهندس أحمد المغربي وزير الإسكان والمرافق والتنمية العمرانية إن المشروع يأتي في إطار مكونات المرحلة الأولي لتطوير منطقة شمال الجيزة موضحاً أن المحور يتكون من 3 حارات لكل اتجاه لربط محور أحمد عرابي مع الطريق الدائري ربطاً حراً ويشمل توسعة كوبري أحمد عرابي 2 حارة بكل اتجاه لاستيعاب الحركة المرورية من وإلي المحور.

وأضاف أن المشروع يشمل أيضا عمل منزل من كوبري أحمد عرابي إلي شارع المطار في اتجاه البراجيل.

وقال اللواء محمود المغاوري رئيس الجهاز المركزي للتعمير إنه تمت مراعاة أن يكون المحور منخفضاً عن منسوب الأرض الطبيعية لعمل نفق بطول نحو 500 متر وأن يكون الجزء المغطي حوالي 140 متراً مع عمل طرق خدمة سطحية بعرض 7 أمتار بكل جانب.

هحاول أدورلكوا ع الرسومات الخاصة بالمشروع

ربنا يسهل و أعرف أجبها